محکمہ جنگلات کی کارروائی، نایاب پرندے اور ہرن کے گوشت کی سمگلنگ کرنے والے مافیا پکڑے گئے

لاہور (جانوڈاٹ پی کے) پنجاب کے محکمہ جنگلات اور جنگلی حیات نے نایاب پرندوں اور پاڑہ ہرن کے گوشت کی غیر قانونی سمگلنگ میں ملوث مافیا کے خلاف بڑی کارروائی کی ہے۔

محکمہ جنگلات کے حکام کے مطابق خفیہ اطلاع پر کارروائی کرتے ہوئے ہنس نسل کی 44 بطخیں برآمد کی گئیں۔ وزیراعلیٰ پنجاب مریم نواز شریف کی ہدایت پر، سائیبریا سے ہجرت کرنے والے آبی پرندے ’بارہیڈڈ گیز‘ پیر کے روز آزاد کیے جائیں گے۔

محکمہ جنگلات اور جنگلی حیات کی ٹیم نے پرندوں کا معائنہ کیا اور تمام پرندے صحت مند پائے گئے۔ بارہیڈڈ گیز کو کالا خطائی کے نیشنل پارک میں فضا میں چھوڑا جائے گا۔

اس کارروائی کے دوران غیر قانونی سرگرمی میں ملوث دو ملزمان کے خلاف ایف آئی آر درج کر لی گئی ہے۔ یہ کارروائی پنجاب وائلڈ لائف ایکٹ 2025 کی خلاف ورزی پر کی گئی، جس کے تحت جانوروں اور پرندوں کی غیر قانونی سمگلنگ ناقابل ضمانت جرم ہے۔

وزیراعلیٰ پنجاب مریم نواز شریف نے محکمہ جنگلات اور جنگلی حیات کی ٹیم کی تعریف کی اور حکومت کی جانب سے شہری کی بھی شکریہ ادا کیا گیا، جس نے غیر قانونی سرگرمی کی اطلاع فراہم کی تھی۔