نائب وزیراعظم اسحاق ڈار کا ایرانی وزیر خارجہ عباس عراقچی سے ٹیلی فونک رابطہ، علاقائی اور عالمی امور پر تبادلہ خیال

اسلام آباد (جانوڈاٹ پی کے)نائب وزیراعظم و وزیر خارجہ اسحاق ڈار نے ایرانی وزیر خارجہ سید عباس عراقچی سے ٹیلیفونک رابطہ کیا، جس دوران دونوں رہنماؤں نے علاقائی اور عالمی امور پر تفصیلی تبادلۂ خیال کیا۔

دفتر خارجہ کے ترجمان کے مطابق ایرانی وزیر خارجہ نے اقوامِ متحدہ میں پاکستان کی جانب سے ایران کی حمایت پر اظہارِ تشکر کیا اور انسانی حقوق کونسل میں ایران سے متعلق قرارداد پر پاکستان کے موقف کو سراہتے ہوئے وزیرِ اعظم، حکومت اور عوامِ پاکستان کا شکریہ ادا کیا۔

ترجمان دفتر خارجہ کے مطابق اس ملاقات میں باہمی تعاون، علاقائی استحکام اور عالمی سطح پر پیش رفت سے متعلق امور پر بھی گفتگو کی گئی، اور دونوں ممالک کے درمیان دوستانہ تعلقات کے فروغ پر زور دیا گیا۔