آئی ایم ایف کی منیجنگ ڈائریکٹر کی ڈیوس فورم میں شہباز شریف کی معاشی اصلاحات کی تعریف

ڈیوس(جانوڈاٹ پی کے)آئی ایم ایف کی منیجنگ ڈائریکٹر کرسٹالینا جورجیوا نے وزیراعظم شہباز شریف حکومت کی معاشی اصلاحات کی تعریف کی ہے۔

ڈیوس میں عالمی اقتصادی فورم کے موقعے پر اظہار خیال کرتے ہوئے انہوں نے کہا کہ وہ وزیراعظم شہباز شریف کی تہہ دل سے عزت کرتی ہیں، شہباز شریف جب کسی کام کی ٹھان لیں تو اسے مکمل کر کے ہی چھوڑتے ہیں۔

کرسٹالینا جورجیوا نے کہا کہ ان کی شہباز شریف سے متعدد بار ملاقاتیں ہوئی ہیں، ان ملاقاتوں میں پہلے سے متعین کردہ اہداف کے حصول اور ترقی کے مزید اہداف پر گفتگو ہوتی ہے،  پاکستانی حکومت سنجیدگی سے اصلاحات کا نفاذ کر رہی ہے۔

آئی ایم ایف کی منیجنگ ڈائریکٹر نے کہا کہ حکومتی اقدمات کے مثبت ثمرات موصول ہونے لگ گئے ہیں اور پہلی مرتبہ بجٹ ڈسپلن نظر آ رہا ہے، عوام کی زندگی میں مثبت تبدیلی کے لیے وسائل خرچ کیے جا رہے ہیں۔