بدین: دی رینائسنس اسکول اینڈ کالج کے طلبہ کی شاندار تقاریر و پریزنٹیشنز، علمی پختگی کا مظاہرہ

بدین (رپورٹ مرتضیٰ میمن/جانو ڈاٹ پی کے)دی رینائسنس اسکول اینڈ کالج بدین کی جماعت دوازدہم کے طلبہ نے مختلف موضوعات پر نہایت پُراثر، منظم اور پیشہ ورانہ انداز میں تقاریر و پریزنٹیشنز پیش کر کے اپنی علمی پختگی اور فکری وسعت کا بھرپور مظاہرہ کیا

طلبہ کی پیشکشوں میں موضوع پر گہری گرفت، الفاظ کا محتاط انتخاب، اندازِ بیان کی شائستگی اور اعتماد نمایاں تھا، جس سے ادارے کی تعلیمی کاوشوں اور اساتذہ کی رہنمائی کا عملی ثبوت سامنے آیا۔ سامعین نے طلبہ کی محنت، مطالعہ اور اظہارِ خیال کی صلاحیتوں کو دل کھول کر سراہا

اس موقع پر معزز پرنسپل نے تمام طلبہ کی کارکردگی کو قابلِ تحسین قرار دیتے ہوئے انہیں تعریفی اسناد سے نوازا اور کہا کہ اس طرح کی علمی سرگرمیاں طلبہ میں خود اعتمادی، فکری بالیدگی اور مستقبل کے چیلنجز کا سامنا کرنے کی صلاحیت پیدا کرتی ہیں

تقریب ایک خوشگوار اور حوصلہ افزا ماحول میں اختتام پذیر ہوئی، جو اس بات کی عکاس ہے کہ دی رینائسنس اسکول اینڈ کالج بدین علم، کردار اور صلاحیت کی ہمہ جہت تربیت کے لیے کوشاں ہے