سابق کپتان شاہد آفریدی مستقل طور پر کراچی چھوڑ کر اسلام آباد منتقل

اسلام آباد (جانوڈاٹ پی کے) قومی کرکٹ ٹیم کے سابق کپتان اور آل راؤنڈر شاہد آفریدی نے مستقل طور پر کراچی چھوڑ کر اسلام آباد میں رہائش اختیار کرنے کا اعلان کیا ہے۔

میڈیا ذرائع کے مطابق شاہد آفریدی نے خود اس اقدام کی تصدیق کرتے ہوئے کہا کہ یہ فیصلہ چند ذاتی وجوہات کی بنیاد پر کیا گیا ہے۔ انہوں نے واضح کیا کہ ماضی میں اہم حکومتی عہدوں کی پیشکش ہونے کے باوجود ہمیشہ ایسے ذمہ داریوں سے گریز کیا اور فی الحال سیاست میں واپس نہیں آ رہے۔

شاہد آفریدی نے کہا کہ "پاکستان اور پاکستان کرکٹ نے مجھے دنیا بھر میں عزت، مقام اور شناخت دی، اور میری خواہش ہے کہ میں ملک اور پاکستان کرکٹ کو کچھ واپس لوٹا سکوں۔”

یاد رہے کہ شاہد آفریدی نے 2009 کے ٹی ٹوئنٹی ورلڈکپ میں سیمی فائنل اور فائنل میں اہم کردار ادا کیا اور پاکستان کو فتح دلوائی۔ بعد ازاں 2011 کے کرکٹ ورلڈکپ میں وہ ٹیم کی قیادت کرتے ہوئے سیمی فائنل تک رسائی حاصل کر چکے ہیں۔