کلوئی کے قریب پرائمری سکول کی عمارت تباہ،100بچوں کی زندگیاں داؤ پر

مٹھی(جانو ڈاٹ پی کے)کلوئی کے نواحی گاؤں کمہالو میں پرائمری سکول کی عمارت خستہ حالی کا شکار ہوگئی ہے سو سے زائد طلباءکی تعلیم متاثر ہو رہی ہے، شدید سردی سے بچے بیمار پڑ گئے ہیں، محکمہ تعلیم کے حکام نے کوئی نوٹس نہیں لیا۔میڈیا میں مسلسل خبریں آنے کے بعد ڈی سی تھرپارکر عبدالحلیم جاگیرانی نے کھلے میں بیٹھے بچوں کو سردی سے بچانے کے لیے دو خیمے فراہم کر دیئے۔ان خیالات کا اظہار سکول ماسٹر قمر الدین نہڑیو نے میڈیا سے گفتگو کرتے ہوئے کیا۔سکول کی عمارت تباہ ہو چکی ہے، اس کے اندر بیٹھنا خطرے میں ڈالنے کے مترادف ہے۔ اس لیے طلبہ کھلے آسمان تلے پڑھا رہے تھے۔ڈپٹی کمشنر نے خیمے مہیا کر دیئے، اب بچے خیموں میں پڑھتے ہیں۔اسکول کی باؤنڈری بھی کمزور ہے، اسے نقصان پہنچنے کا خدشہ ہے، کہیں کوئی جانی نقصان نہ ہو جائے۔دیہاتیوں نے میڈیا کو بتایا کہ سکول کی عمارت کی تباہی کے حوالے سے انتظامیہ کو کئی درخواستیں دی ہیں لیکن کوئی سننے والا نہیں۔ ہم ہمیشہ خوف میں رہتے ہیں۔ٹی اے او کلوئی محمد اسحاق نہڑیو نے کہا کہ سکول کی عمارت کی حالت انتہائی خراب ہے اور عمارت کی مرمت کی اشد ضرورت ہے۔

میڈیا کے نمائندوں سے بات چیت کرتے ہوئے دیہاتیوں رضا ہالو، حسن ہالو، یونس ہالو، عبدالرحمان ہالو اور دیگر نے کہا کہ اتنے بڑے داخلی دروازے والے سکول کی عمارت خستہ حال ہو چکی ہے۔ ان کا کہنا تھا کہ اس اسکول میں کولہی، میگھواڑ، بھیل، ہالا نہریا اور دیگر برادریوں کے بہت سے طلبہ زیر تعلیم ہیں۔ ان کا کہنا تھا کہ ہمیں ہر وقت خوف رہتا ہے کہ سکول کے اردگرد کی عمارت کمزور ہو گئی ہے اور کسی بھی وقت کوئی بڑا واقعہ رونما ہو سکتا ہے کیونکہ چھوٹے بچے دیواروں کے قریب سے گزرتے ہیں۔ ان کا کہنا تھا کہ وہ متعدد بار منتخب نمائندوں اور محکمہ تعلیم کے حکام سے اپیل کر چکے ہیں کہ سکول کی عمارت کی مرمت کرائی جائے تاکہ بچے سکون سے پڑھ سکیں۔ ان کا کہنا تھا کہ اتنی شدید سردی میں بچے خیمہ میں بیٹھ کر بھی تعلیم حاصل نہیں کر سکتے کیونکہ سردیوں میں خیمہ ٹھنڈا اور گرمیوں میں بہت گرم رہتا ہے۔ ان کا کہنا تھا کہ ہم وزیر تعلیم اور متعلقہ اداروں سے گزارش کرتے ہیں کہ گاؤں کمہالو ہالا کے مرکزی پرائمری سکول کی عمارت کو جلد از جلد ٹھیک کیا جائے تاکہ سکول میں زیر تعلیم طلباء اچھی طرح پڑھ سکیں۔