بھارت نے نورخان ائیر بیس پر حملہ کرکے سپر غلطی کی،صرف4روز میں بھارتی دعوے پاش پاش کردیئے،اسحاق ڈار
اسلام آباد(نیوزایجنسی)نائب وزیراعظم اور وزیر خارجہ سینیٹر اسحاق ڈار نے کہا ہے کہ بھارت نے نور خان ائیربیس پر حملہ کر کے سپر غلطی کی،4روزہ جنگ میں پاکستان کی مسلح افواج نے بھارتی دعوؤں کو پاش پاش کردیا.
نائب وزیر اعظم اسحاق ڈار نے اسلام آباد میں پریس کانفرنس کرتے ہوئے کہا کہ 22 اپریل کے بعد دفتر خارجہ بہت زیادہ متحرک رہا،بھارت نے نور خان ائیربیس پر حملہ کر کے سپر غلطی کی،بھارت نے ایف16گرانے کا بھی جھوٹ بولا،ہم نے دنیا کو بتایا کہ ہم پہل نہیں کریں گے۔انہوں نے کہا کہ پہلگام کی آڑ میں بھارت نے سندھ طاس معاہدے کو نشانہ بنایا،پلوامہ کی آڑ میں بھارت نے مقبوضہ کشمیر کو ہڑپ کرنے کی کوشش کی،پلوامہ کے بعد بھارت نے جو کچھ کیا وہ ہمیں یاد تھا،بھارت نے36گھنٹے میں80جہاز بھیجے،79کو ہم نے نیوٹرلائز کیا۔اسحاق ڈار نے کہا کہ طیارے گرائے جانے کے بعد بھارت نے مسلسل غلط بیانی کی،ہم نے کسی کو نہیں کہا کہ ہماری بھارت سے صلح صفائی کروائے،4روزہ جنگ میں پاکستان کی مسلح افواج نے بھارتی دعووں کو پاش پاش کیا۔
نائب وزیر اعظم نے کہا کہ پی ڈی ایم نے اقتدار سنبھالا تو پاکستان سفارتی تنہائی کا شکار تھا، چھ مئی سے پہلے اور بعد میں ساٹھ عالمی لیڈروں کی کالزآئیں، بھارت کا میزائل مارنا بڑی غلطی تھی، ایک ڈرون نے فوجی تنصیبات کو معمولی نقصان پہنچایا، پاک بھارت جنگ میں بھارت کے 79 ڈرونز نیوٹرلائز کیے۔
انہوں نے کہا کہ 2025 میں پاکستان کو عزت ووقار ملا پاکستان سفارتی سطح پر تنہا تھا، پاکستان کی ایک ارب کی لایبیلیٹی سرمایا کاری میں تبدیل ہو جائے گی، یو اے ای کی فوجی فاؤنڈیشن میں ایک ارب ڈالر کی سرمایا کاری ہوگی۔
