فیصل آباد: نشے میں دھت ایمبولینس ڈرائیور کی کار کو ٹکر، 2 افراد جاں بحق

فیصل آباد(جانوڈاٹ پی کے) فیصل آباد میں ایمبولینس کی کار کو ٹکر سے 2 افراد جاں بحق اور 7 افراد زخمی ہو گئے۔

ریسکیو حکام کے مطابق یہ واقعہ کینال روڈ پر پیش آیا جہاں کار اور ایمبولینس کے درمیان زوردار ٹکر ہوئی۔

ریسکیو حکام نے بتایا ہے کہ حادثے میں کار سوار 2 افراد جاں بحق اور 4 زخمی ہوگئے جب کہ ایمبولینس میں سوار 3 افراد بھی معمولی زخمی ہوئے۔

پولیس کے مطابق ایمبولینس میں سوار ڈرائیور سمیت تینوں افراد نشے کی حالت میں تھے، تینوں کو حراست میں لیکر تفتیش شروع کر دی گئی ہے۔