تحریک تحفظ آئین پاکستان حکومت سے مذاکرات پر تیار، نئے میثاق کی تیاری
اسلام آباد(جانوڈاٹ پی کے)تحریک تحفظ آئین پاکستان نے حکومت سے مذاکرات پر آمادگی ظاہر کردی۔
وزیراعظم کی مذاکرات کی پیشکش پر اپوزیشن الائنس تحریک تحفظ آئین پاکستان کے اہم اجلاس میں حکومت سے مذاکرات پر آمادگی ظاہر کردی گئی۔
ترجمان کے مطابق آئینی اور جمہوری اقدار کی مضبوطی کیلئے مذاکرات پر تیار ہیں، شفاف انتخابات، متفقہ الیکشن کمشنر کی تقرری، قانون کی حکمرانی پرمذاکرات کیلئے تیار ہیں۔
بیان کے مطابق ملک کودرپیش بحران، امن اوامان اور مایوسی کے خاتمے کیلئے نئے میثاق کی اَشد ضرورت ہے، تحریک تحفظ آئین پاکستان نے بانی پی ٹی آئی سے نئے میثاق پر دستخط کرانے کی ذمہ داری لے لی۔
