تھانہ نوانکوٹ کی حدود میں نوسر باز کی بوڑھی خاتون سے واردات

لاہور(جانوڈاٹ پی کے)لاہور میں تھانہ نوانکوٹ کی حدود میں نوسر باز کی واردات پیش آئی ہے جس میں نامعلوم ملزم بوڑھی خاتون سے سونے کی بالیاں اور نقدی لے اڑا۔

تفصیلات کے مطابق نامعلوم نوسر باز نے بوڑھی خاتون اللہ رکھی کو کہا کہ آپکے پیسے آئے ہیں۔

خاتون کو پیسے دلوانے کے بہانے نوسر باز گھر سے تھوڑا فاصلے پرلے گیا اور کانوں سے  بالیاں اتروا کر اور 15 ہزار نقدی لے کر رفو چکر ہوگیا۔

واقعے کا مقدمہ تھانہ نوانکوٹ میں درج کرلیا گیا ہے۔