اچھرہ سے 20 کلو سونا غائب ہونے کا معاملہ، ملزم اپنی سوتیلی ماں کا اڑھائی کلو سونا بھی ساتھ لے گیا

لاہور(جانوڈاٹ پی کے)لاہور کی اچھرہ جیولری مارکیٹ سے بیس کلو سونا غائب ہونے کے معاملے میں اہم پیش رفت سامنے آ گئی ہے۔

 پولیس کے مطابق وسیم اختر نامی تاجر اپنی سوتیلی والدہ کا ڈھائی کلو سے زائد سونا بھی امانتاً لے کر غائب ہو گیا، جس پر اچھرہ تھانے میں ان کی سوتیلی والدہ کی مدعیت میں ایک اور مقدمہ درج کر لیا گیا ہے۔

مدعی مقدمہ کے مطابق وسیم اختر کے پاس ڈھائی کلو سے زائد سونا امانت کے طور پر رکھا گیا تھا، جس کی مالیت 7 کروڑ 42 لاکھ روپے سے زائد بنتی ہے۔ سونا واپس نہ ملنے پر پولیس سے رجوع کیا ۔

پولیس کا کہنا ہے کہ اچھرہ جیولری مارکیٹ سے 20 کلو سونا غائب ہونے کے کیس میں اب تک مجموعی طور پر 7 مقدمات درج ہو چکے ہیں۔ تاہم نامزد ملزم وسیم اختر تاحال گرفتار نہیں ہو سکا۔

پولیس کے مطابق ملزم کی ٹریول ہسٹری بھی حاصل کر لی گئی ہے اور اس کی گرفتاری کے لیے چھاپے مارے جا رہے ہیں۔ پولیس کا دعویٰ ہے کہ ملزم کو جلد گرفتار کر لیا جائے گا، جبکہ مزید تفتیش جاری ہے۔