امریکی سفارتخانےکا’’جعلی افغان‘‘کارڈ ہولڈربے نقاب،2خواتین کیساتھ ڈپلومیٹک انکلیو میں گھسنے کی کوشش

اسلام آباد(جانو ڈاٹ پی کے)امریکی سفارتخانے کا جعلی کارڈ استعمال کرنے والا افغان شہری بے نقاب ہو گیا، پولیس نے انٹیلی جنس ایجنسیوں کی مدد سے افغان شہری حارث کو گرفتار کر لیا ہے۔گرفتار افغان شہری دو خواتین کے ہمراہ گاڑی میں ڈپلومیٹک انکلیو میں داخل ہوا تھا۔ پولیس اور انٹیلی جنس اہلکار پہلے ہی اس شخص کی نشاندہی کر چکے تھے اور اس کی سرگرمیوں پر نظر رکھی جا رہی تھی۔پولیس کا کہنا ہے کہ گرفتار افغان شہری کو مزید قانونی کارروائی کے لیے تھانہ سیکرٹریٹ منتقل کر دیا گیا ہے، جبکہ وہ فراڈ کے متعدد مقدمات میں بھی پولیس کو مطلوب تھا۔ذرائع کے مطابق امریکی سفارتخانے نے بھی افغان شہری کے حوالے سے شکایت درج کروا رکھی تھی، جس کے بعد کارروائی عمل میں لائی گئی۔واقعے کے بعد سکیورٹی ادارے معاملے کی مزید تفتیش کر رہے ہیں۔