کراچی اور گردونواح میں زلزلے کے شدید جھٹکے، شدت 5.2 ریکارڈ، شہریوں میں خوف و ہراس

کراچی(جانوڈاٹ پی کے)کراچی کے مختلف علاقوں میں زلزلے کے جھٹکے محسوس کیے گئے ۔

آئی آئی چندریگر روڈ،صدر، کلفٹن، پی ای سی ایچ ایس اور ڈی ایچ اے میں زلزلے کے جھٹکے محسوس کیے گئے۔

ذرائع کے مطابق سائٹ ایریا، ٹیپو سلطان روڈ، پہلوان گوٹھ اور بحریہ ٹاؤن میں بھی زلزلے کے جھٹکے محسوس کیے گئے۔

زلزلہ پیما مرکز کے مطابق زلزلے کے جھٹکے 12 بجکر 51 منٹ پر محسوس کیے گئے جس کے بعد شہری خوفزدہ ہوکر گھروں سے باہر نکل آئے۔

ذرائع نے بتایا کہ بلوچستان کے علاقے وندر اور سومیانی میں بھی زلزلے کے جھٹکے محسوس کیے گئے ہیں۔

زلزلہ پیما مرکز  کے مطابق زلزلے کی شدت 5.2 اور گہرائی 12 کلو  میٹر ریکارڈ کی گئی۔ زلزلے کا مرکز کراچی سے87 کلو میٹر دور سومیانی میں تھا۔

زلزلے کے باعث ابتدائی طور پر کسی جانی و مالی نقصان کی اطلاع نہیں ملی۔