گھر کی تعمیر کے کیس میں عدالت آنیوالا شہری دل کا دورہ پڑنے سے چل بسا

اسلام آباد(جانوڈاٹ پی کے) سپریم کورٹ میں سماعت کے لیے آنے والا راولپنڈی کا رہائشی چل بسا۔

سپریم کورٹ میں 70 سالہ عابد حسین کے گھر سے متعلق کیس زیر التوا تھا جس سلسلے میں درخواست گزار عدالت میں پیش ہوا تھا۔

شہری کے کیس کی پہلی سماعت 11 نومبر 2025 کو ہوئی تھی اور دوسری سماعت آج ہونا تھی جو ملتوی کردی گئی تھی۔

عدالت سے واپسی پر درخواست گزار عابد حسین کو دل کا دورہ پڑا جس پر انہیں ہسپتال منتقل کیا گیا تاہم وہ راستے میں ہی دم توڑ گئے۔