ننگرپارکر کے قریب نایاب نسل کے ہرنوں کے غیرقانونی شکارکا انکشاف
تھرپارکر(جانو ڈاٹ پی کے)ننگرپارکر کے قریب نایاب نسل کے ہرنوں کے غیرقانونی شکار کا افسوسناک واقعہ پیش آیا ہے۔نواحی گاؤں مامچیرو کے قریب جنگل میں فائرنگ کے ذریعے3چنکارا نسل کے ہرنوں کا شکار کیا گیا۔علاقہ مکینوں نے بتایا کہ ملزمان ہرنوں کو گاڑی میں ڈال کر فرار ہوگئےگاڑی کا نمبر اور واقعے کی اطلاع فوری طور پر محکمہ وائلڈ لائف حکام کو دے دی گئی ہے۔اسسٹنٹ کنزرویٹر وائلڈ لائف اشفاق میمن کے مطابق واقعے کی اطلاع موصول ہونے پر ملزمان کی تلاش شروع کر دی گئی ہے اور خارجی راستوں کی چیک پوسٹس پر بھی اہلکار تعینات کر دیے گئے ہیں۔
