وزارتِ مذہبی امور کی عازمینِ حج کو 12 دسمبر تک درست ڈیٹا جمع کرانے کی ہدایت

اسلام آباد(جانوڈاٹ پی کے)وزارت مذہبی امور نے عازمین حج کو 12 دسمبر تک ڈیٹا فراہم کرنے کی ہدایت کردی۔

وزارت مذہبی امورکی جانب سےجاری بیان میں کہا گیا ہےکہ عازمین اپنا ڈیٹا درست فراہم کریں ورنہ حج ویزے میں تاخیرہوسکتی ہے،تصویر،پاسپورٹ اور میڈیکل سرٹیفکیٹ مطلوبہ بینک برانچ کو دینا ہوگا۔

مذہبی امور کےمطابق عازمین کا ڈیٹا غلط ہوا تو ویزا تاخیر کا شکار ہوسکتا ہے،تصویر یا دستاویز سعودی ہدایت کےمطابق نہ ہونے پر بینک عملہ رابطہ  کرے گا،عازمین کو بینک کے رابطہ کرنےپرفوری طور پردرست دستاویزجمع کرنے کا مشورہ دیا،حج ویزا پراسیسنگ میں غلط تصویریاتصدیق نہ ہونے پرویزا نہیں لگے گا، غلط دستاویز کی وجہ سے تاخیر کے علاوہ ویزہ منسوخ ہونے کا بھی امکان ہے۔