پنجاب میں ضمنی انتخابات: قومی و صوبائی نشستوں پر ن لیگ کی واضح برتری

لاہور(جانوڈاٹ پی کے)پنجاب میں قومی اسمبلی کی 5 اور  صوبائی اسمبلی کے7 حلقوں  پر ضمنی انتخابات  ہوئے جن کے نتائج آنے کا سلسلہ جاری ہے۔

لاہور، فیصل آباد، ساہیوال، ڈیرہ غازی خان، سرگودھا، میانوالی اور مظفر گڑھ میں پولنگ صبح 8 بجے شروع ہوئی جو شام 5 بجے تک جاری رہی۔ووٹوں کی گنتی کے بعد نتائج آنے کا سلسلہ جاری ہے۔

قومی اسمبلی کی نشستوں کے نتائج

 این اے129 لاہور 

قومی اسمبلی کے حلقہ این اے129 لاہور کے تمام 334 پولنگ اسٹیشنز کے غیرحتمی غیر سرکاری نتیجے کے مطابق مسلم ليگ ن کے حافظ میاں محمد نعمان نے میدان مار لیا۔غیرحتمی غیر سرکاری نتیجے کے مطابق حافظ میاں محمد نعمان 63441 ووٹ لے کر کامیاب ہوئے۔ پی ٹی آئی کے حمایت یافتہ آزاد امیدوار ارسلان احمد 29099 ووٹ لےکر دوسرے نمبر پر رہے۔

 این اے 143 ساہیوال 3

قومی اسمبلی کے حلقہ این اے 143 ساہیوال 3 کے غیر حتمی غیر سرکاری نتیجے کے مطابق مسلم ليگ ن کے محمد طفیل 136223 ووٹ لے کر کامیاب ہوگئے۔ آزاد امیدوار ضرار اکبر چوہدری 13220 ووٹ لےکر دوسرے نمبر پر رہے۔

 این اے 185 ڈیرہ غازی خان 2

حلقہ این اے 185 ڈیرہ غازی خان 2 کے تمام 226 پولنگ اسٹیشنزکے غیر حتمی و غیر سرکاری نتائج کے مطابق  مسلم ليگ(ن) کے محمود قادر خان 82413 ووٹ لےکر کامیاب ہوگئے۔

پیپلز پارٹی کے دوست محمد کھوسہ 49262 ووٹ لےکر دوسرے نمبر پر رہے۔

 این اے 96 فیصل آباد 2

حلقہ این اے 96 فیصل آباد 2 کے 345 پولنگ اسٹیشنز میں سے 154 کے  غیر حتمی غیر سرکاری نتائج کے مطابق مسلم ليگ(ن) کے محمد بلال بدر 79278 ووٹ لے کر پہلے نمبر پر ہیں جبکہ آزاد امیدوار نواب شير وسير 26483 ووٹ لیکر دوسرے نمبر پر ہیں۔

این اے 104 فیصل آباد 10

حلقہ این اے 104 فیصل آباد 10 کے 375 پولنگ اسٹیشنز میں سے177 کے غیر حتمی غیر سرکاری نتائج کے تحت مسلم ليگ(ن) کے دانیال احمد 29338 ووٹ لے کر آگے ہیں۔ آزاد امیدوار رانا عدنان جاوید 8861 ووٹ لیکر دوسرے نمبر پر ہیں۔

پنجاب اسمبلی کے حلقوں کے نتائج

پی پی 203 

پنجاب اسمبلی کے حلقہ پی پی 203 ساہیوال 6 کے تمام 185 پولنگ اسٹیشنز کے غیر حتمی اور غیر سرکاری نتائج کے مطابق مسلم ليگ ن کے محمد حنیف 46900 ووٹ لے کر کامیاب ہوگئے جب کہ آزاد امیدوار فلک شیر 10895 ووٹ لےکر دوسرے نمبر پر رہے۔

پی پی 73 

پنجاب اسمبلی کے حلقہ پی پی 73 سرگودھا  163 پولنگ اسٹیشنز میں سے 108 کے غیر حتمی غیر سرکاری نتائج کے تحت مسلم ليگ(ن) کے میاں سلطان علی رانجھا 35132 ووٹ لے کر آگے ہیں۔

آزاد امیدوار محمد حارث 5596 ووٹ لیکر دوسرے نمبر پر ہیں۔

پی پی87 

پنجاب اسمبلی کے حلقہ پی پی 87 میانوالی 3 کے 193 پولنگ اسٹیشنز میں سے 125 کے غیر حتمی غیر سرکاری نتائج کے مطابق مسلم ليگ(ن) کے علی حیدر نور خان نیازی 56170 ووٹ لے کر پہلے نمبر پر ہیں جب کہ آزاد امیدوار محمد ایاز خان نیازی 3310 ووٹ لیکر دوسرے نمبر پر ہیں۔

پی پی 98 

پنجاب اسمبلی کے حلقہ پی پی 98 فیصل آباد 1 کے  171 پولنگ اسٹیشنز میں سے 80 کے نتائج کے مطابق ن لیگ کے آزاد علی تبسم 32491 ووٹ لے کر پہلے نمبر پر ہیں جبکہ آزاد امیدوار محمد اجمل 21485 ووٹ لیکر دوسرے نمبر پر ہیں۔

پی پی 115 

پنجاب اسمبلی کے حلقہ پی پی 115 فیصل آباد 18 کے 159 پولنگ اسٹیشنز میں سے 147 کے غیر حتمی غیر سرکاری نتائج کے مطابق ن لیگ کے محمد طاہر پرویز 35620 ووٹ لے کر آگے ہیں جبکہ آزاد امیدوار محمد اصغر 1713 ووٹ لیکر دوسرے نمبر پر ہیں۔

پی پی 116

پنجاب اسمبلی کے حلقہ پی پی 116 فیصل آباد 19 کے 190 پولنگ اسٹیشنز میں سے 175کے  غیر حتمی غیر سرکاری نتائج کے مطابق مسلم ليگ (ن) کے احمد شہریار 45674 ووٹ لے کر پہلے نمبر پر ہیں۔

آزاد امیدوار ملک اصغر علی قیصر 10294 ووٹ لےکر دوسرے نمبر پر ہیں۔

پی پی 269

پنجاب اسمبلی کے حلقہ پی پی 269 مظفر گڑھ 2  کے 156 پولنگ اسٹیشنز میں سے 102 کے غیر حتمی و غیر سرکاری نتائج کے مطابق پیپلز پارٹی کےمیاں علمدار عباس قریشی 42091 ووٹ لے کر پہلے نمبر پر ہیں جبکہ آزاد امیدوار محمد اقبال خان پتافی 30370 ووٹ لےکر دوسرے نمبر پر ہیں۔