طلاق کے بعد رات کا کھانا چھوڑ دیا تھا کیونکہ تنہا نہیں کھا سکتی تھی،ثانیہ مرزا

ممبئی(جانوڈاٹ پی کے)بھارت کی سابق ٹینس اسٹار ثانیہ مرزا نے انکشاف کیا ہے کہ انہوں نے شعیب ملک سے طلاق کے بعد رات کا کھانا چھوڑ دیا تھا کیونکہ وہ تنہا نہیں کھانا چاہتی تھیں۔

بھارتی میڈیا رپورٹ کے مطابق ثانیہ مرزا پاکستانی کرکٹر شعیب ملک سے شادی کے بعد دبئی منتقل ہوئیں تاہم جوڑے نے راہیں جدا کرلیں اور سابق ٹینس اسٹار نے بیٹے اذہان کی ذمہ دار سنبھال لی۔

کرن جوہر سے حالیہ گفتگو میں ثانیہ مرزا نے کہا کہ سنگل پیرنٹنگ مشکل ہے کیونکہ ہم بہت سے کام کررہے ہوتے ہیں، فلمساز نے کہا کہ آپ کا معاملہ زیادہ مشکل ہے کیونکہ سرحد پار شادی تھی۔

 ثانیہ مرزا نے کہا کہ سنگل مدر اس لیے مشکل ہے مجھے انیہں چھوڑنا مشکل لگتا ہے کیونکہ میں دبئی میں رہتی ہوں، بھارت کا سفر کرتی ہوں، میرے لیے ایک ہفتے کی مدت تک دور رہنا سب سے بڑا چیلنج ہے، میرے لیے یہ مشکل لمحہ ہے اس کے علاوہ میں ٹھیک ہوں۔

انہوں نے کہا کہ میں نے کتنی بار رات کا کھانا چھوڑ دیا کیونکہ میں اکیلے کھانا نہیں چاہتی تھی، مجھے لگتا تھا اس سے میرا وزن کم کرنے میں مد ملی، مجھے رات کا کھانا کھانا اچھا نہیں لگتا میں صرف کچھ دیکھ کر سو جاتی تھی۔

اس سے قبل پوڈ کاسٹ میں فرح خان نے انکشاف کیا تھا کہ ثانیہ مرزا کو طلاق کے بعد گھبراہٹ اور خوف کے دورے پڑتے تھے، وہ کانپ رہی ہوتی تھی۔