قومی ٹیسٹ سکواڈ میں اہم تبدیلیاں، عبداللہ شفیق اور سعود شکیل ٹیم میں شامل

لاہور(جانوڈاٹ پی کے) پاکستان کرکٹ بورڈ (پی سی بی) نے ویسٹ انڈیز کے خلاف جاری ٹیسٹ سیریز اور اس کے بعد انگلینڈ کے دورے کے لیے قومی ٹیسٹ سکواڈ میں دو اہم تبدیلیوں کا اعلان کر دیا ہے۔

پی سی بی کے مطابق اوپننگ بیٹر عبداللہ فضل انجری کے باعث ٹیسٹ سیریز سے باہر ہو گئے ہیں، جس کے بعد ان کی جگہ تجربہ کار اوپنر عبداللہ شفیق کو قومی سکواڈ میں شامل کر لیا گیا ہے۔

اس کے علاوہ سعود شکیل کو بھی بطور اضافی متبادل سکواڈ کا حصہ بنایا گیا ہے تاکہ بیٹنگ لائن اپ کو مزید مضبوط اور متوازن بنایا جا سکے۔

واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کے بعد قومی ٹیم انگلینڈ کا دورہ کرے گی، جہاں دونوں ٹیموں کے درمیان تین ٹیسٹ میچوں کی سیریز کھیلی جائے گی۔

پاکستان اور انگلینڈ کے درمیان یہ سیریز آئی سی سی ورلڈ ٹیسٹ چیمپئن شپ (ICC World Test Championship) کا حصہ ہوگی، جس میں دونوں ٹیمیں قیمتی پوائنٹس کے حصول کے لیے مدمقابل ہوں گی۔