18اشیا مہنگی،14سستی،وفاقی ادارہ شماریات نے اعدادوشمار جاری کردیئے

وفاقی ادارہ شماریات نے بتایا ہے کہ گزشتہ ہفتے کے دوران مہنگائی میں شرح میں کمی آئی ہے تاہم 18اشیا کی قیمتوں میں اضافہ جبکہ14اشیا کی قیمتوں میں کمی ریکارڈ کی گئی ہے۔

وفاقی ادارہ شماریات کی رپورٹ کے مطابق ملک میں دوسرے ہفتے بھی مہنگائی میں اضافے کی رفتار کی شرح میں کمی ہوئی ہے اور حالیہ ہفتے مہنگائی کی شرح میں کمی کی رفتار میں 1.34فیصد کمی واقع ہوئی ہوئی ہے جبکہ اس سے پچھلے ہفتے بھی مہنگائی میں اضافے کی رفتار کی شرح میں 0.2 فیصد کمی ریکارڈ کی گئی تھی۔

مہنگائی کی شرح5.03فیصد سے کم ہو کر 4.17فیصد ہوگئی

وفاقی ادارہ شماریات کے مطابق گزشتہ ہفتےچاول،انڈے،مٹن،جلانے والی لکڑی، گھی اور دال مونگ سمیت18اشیائے ضروریہ کی قیمتوں میں اضافہ جبکہ 14 اشیائے ضروریہ کی قیمتوں میں کمی اور19 اشیائے ضروریہ کی قیمتیں مستحکم رہی ہیں۔

چاول،انڈے،ڈیزل،بیف،ویجیٹیبل گھی مہنگا

ایک ہفتے میں ہائی اسپیڈ ڈیزل 1.06فیصد،چاول 0.84فیصد،انڈوں کی قیمت میں0.91فیصد تک اضافہ ہوا ہے،بیف0.42فیصد،مٹن 0.31فیصد،ویجی ٹیببل گھی0.25 فیصد،انرجی سیور0.23فیصد اور دال مونگ0.10فیصد مہنگی ہوئی ہے۔

 پیاز،دال مسور،چنا،لہسن،مرغی کی قیمت میں معمولی کمی

اسی طرح حالیہ ایک ہفتے میں14اشیائے ضروریہ کی قیمتوں میں کمی آئی ہے، پیاز 1.17 فیصد، ٹماٹر 23.11 فیصد، آٹا 2.60 فیصد،کیلے5.07 فیصد، دال مسور 0.64 فیصد، دال چنا0.47 فیصد، لہسن0.46 فیصد اور مرغی کی قیمت میں 12.74 فیصد کمی ہوئی ہے۔

حساس قیمتوں کے اعشاریہ کے لحاظ سے سالانہ بنیادپر17ہزار732روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار1.43فیصد کمی کیساتھ3.82فیصد، 17ہزار733روپے سے22 ہزار888روپےماہانہ تک آمدنی رکھنے والے طبقےکیلئے مہنگائی میں اضافے کی رفتار1.59فیصد کمی کے ساتھ 4.02 فیصد، 22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کے لیےمہنگائی میں اضافے کی رفتار1.34 فیصد کمی کے ساتھ4.89فیصد ریکارڈ کی گئی۔