حارث رئوف اور نسیم شاہ نے انجریز سے چھٹکارا حاصل کر لیا

کراچی (اسپورٹس رپورٹر) انگلش کائونٹی کرکٹ کے دوران زخمی ہونے والے حارث رئوف اور نسیم شاہ نے انجریز سے چھٹکارا حاصل کر لیا۔دونوں پیسرز انگلش کائونٹی کرکٹ میں اگلے میچز کیلیے اپنی ٹیموں کو دستیاب ہوں گے۔یارکشائر کی نمائندگی کرنے والے حارث رئوف سائیڈ انجری کا شکار ہوئے تھے جبکہ دوسری جانب گلوسٹر شائر کے اسکواڈ میں شامل پیسر کندھے کی انجری سے نجات پانے کے لیے کوشاں تھے۔ہیمسٹرنگ کی وجہ سے گلوسٹر شائر کو محمد عامر چھٹے رائونڈ میں دستیاب نہیں ہوں گے، مڈل سیکس کی نمائندگی کرنے والے شاہین شاہ آفریدی کو آرام دیا گیا ہے جبکہ محمد رضوان فیملی وجوہات کی بنا پر اس رانڈ میں سسکیس کو دستیاب نہیں ہو سکیں گے۔