”اب آیا اونٹ پہاڑ کے نیچے”گریڈ17سے 22کے افسروں کے اثاثے ڈکلیئر ہونگے،آئی ایم ایف کی شرط پوری

لاہور(کامرس ڈیسک)”اب آیا اونٹ پہاڑ کے نیچے”گریڈ17سے 22کے افسروں کے اثاثے ڈکلیئر ہونگے،آئی ایم ایف کی شرط پوری کردی گئی۔آئی ایم ایف شرائط کےتحت گریڈ17سے22کے  افسروں کے اثاثے ڈکلیئرکیےجائینگے۔ ایف بی آر نے گریڈ 17سے 22 کے سرکاری افسران کے اثاثے ڈکلیئر کرنے سے متعلق سول سرونٹس رولز میں ترمیم کا نوٹیفکیشن جاری کر دیا، ترمیمی قانون کا اطلاق وفاقی، صوبائی حکومتوں، خود مختار اداروں اور کارپوریشنز کے ملازمین پر ہوگا۔ ایف بی آر نے سول سرونٹس کے اثاثہ جات کے قواعد میں ترمیم کا مسودہ جاری کر دیا،  آئی ایم ایف شرائط کے تحت گریڈ 17 سے 22 کے افسران کے اثاثے ڈکلیئر کیئے جائیں گے، نوٹیفکیشن کے مطابق پبلک سرونٹ کی نئی تعریف گریڈ 17 اور اس سے بالا افسران پر مشتمل ہوگی۔ ترمیمی قانون کا اطلاق وفاقی و صوبائی حکومتوں، خودمختار اداروں اور کارپوریشنز کے افسران پر بھی ہوگا۔نیب آرڈیننس 1999کے تحت مستثنیٰ افراد اس تعریف میں شامل نہیں ہوں گے۔سٹیک ہولڈرز سے مجوزہ مسودے پر7دن کے اندر اندر آراء و تجاویز طلب کی گئی ہیں۔ مقررہ معیاد کے بعد موصول ہونیوالی آراء کو قبول نہیں کیا جائے گا۔ایف بی آر کے مطابق ترمیمی قواعد اب پبلک سرونٹس پر لاگو ہوں گے۔ ایف بی آر نے سات روز میں تجاویز و اعتراضات طلب کر لیے۔ ترامیم کا مقصد شفافیت اور انتظامی وضاحت بڑھانا ہے۔ اثاثہ جات کے گوشواروں کے تبادلے کا نظام مزید موئثر بنانے کی کوشش کی جارہی ہے۔ ترمیمی مسودہ انکم ٹیکس آرڈیننس دوہزار ایک کی دفعہ دوسوسینتیس  کے تحت تیار کیا گیا۔