پی ٹی آئی اسٹریٹ موومنٹ شروع کرنے کی پوزیشن میں نہیں، یہ 8فروری کو پیہہ جام ہڑتال کرنا چاہتے ہیں جس کی قانون میں اجازت نہیں، رانا ثنا اللہ

اسلام آباد(جانوڈاٹ پی کے)وزیراعظم شہباز شریف کے مشیر برائے سیاسی امور رانا ثنا اللہ نے کہا ہے کہ پنجاب میں بھی وزیراعلیٰ سہیل آفریدی کو ویلکم کیا گیا تھا، اگر ویلکم نہ کرتے تو اسمبلی چیمبر کیوں کھولا جاتا اور ان کو اجازت کیوں دی جاتی؟

نجی ٹی  وی  کے پروگرام میں گفتگو کرتے ہوئے رانا ثنا اللہ کا کہنا تھاکہ ان سے نام لیے گئے تھے جو پنجاب اسمبلی آنا چاہتے تھے لیکن ان کے ساتھ وہ لوگ بھی پنجاب اسمبلی آئے جن کے نام فہرست میں نہیں تھے، ان لوگوں نے پنجاب اسمبلی آکر دھینگا مشتی کی اور تماشہ لگا۔

انہوں نے کہا کہ پنجاب میں بھی وزیراعلیٰ سہیل آفریدی کو ویلکم کیا گیا تھا، اگر ویلکم نہ کرتے تو اسمبلی چیمبر کیوں کھولا جاتا اور ان کو اجازت کیوں دی جاتی؟

ان کا مزید کہنا تھاکہ تحریک انصاف کوئی اسٹریٹ موومنٹ شروع کرنے کی پوزیشن میں نہیں، یہ 8فروری کو پیہہ جام ہڑتال کرنا چاہتے ہیں جس کی قانون میں اجازت نہیں، وزیراعلیٰ خیبرپختونخوا غیرقانونی سرگرمی میں مصروف ہیں یہ سفر غیرقانونی ہے، پی ٹی آئی کی تحریک کی کامیابی کا کوئی امکان نہیں۔

انہوں نے کہا کہ ہمیں کراچی میں پی ٹی آئی کی سرگرمیوں پر کوئی اعتراض نہیں، سندھ حکومت وہاں پہیہ جام ہڑتال کی کوئی اجازت نہیں دے گی، یہ اگر کوئی ایسی ویسی حرکتیں کریں گے تو پھر کل خود روئیں گے کہ ایف آئی آرز ہوگئیں،