پاکستان نے فخر زمان کے غلط آؤٹ کا مدعا آئی سی سی کے سامنے اٹھا دیا۔پاکستان اور بھارت کے میچ کے دوران ٹی وی ایمپائر نے فخر زمان کا متنازعہ آؤٹ دیا تھا۔
ایشیا کپ میں پاک بھارت میچ میں ٹی وی امپائر کی جانب سے فخر زمان کامتنازع آوٹ دیا گیا جس پر پاکستان کرکٹ ٹیم کے منیجر نوید اکرم چیمہ نے میچ کے بعد اپنے تحفظات سے میچ ریفری اینڈی پائی کرافٹ کو آگاہ کیا۔
ذرائع کا بتانا ہے کہ میچ کے بعدکپتان کی میچ رپورٹ میں بھی پاکستانی ٹیم انتظامیہ نے متنازع فیصلے کا ہائی لائٹ کیا ہے جب کہ آئی سی سی کے امپائرز اور منیجرکو بھی ٹیم انتظامیہ نے اپنے تحفظات ظاہر کرتے ہوئے باضابطہ شکایت کردی ہے۔
ٹی وی امپائر کے فرائض سری لنکا کے روچیرا پالیاگروگے نے انجام دیئے
ذرائع کے مطابق اہم ترین میچ میں ٹی وی امپائر کے فرائض سری لنکا کے روچیرا پالیاگروگے نے انجام دیے، انہوں نے فخر زمان کو متنازع انداز میں کاٹ بی ہائینڈ قرار دیا اور اس فیصلے سے میچ میں پاکستانی ٹیم کی پوزیشن متاثر ہوئی۔
فخر15رنز پر آوٹ قرار دیے گئے
فخر15رنز پر آوٹ قرار دیے گئےاس وقت پاکستان کاسکور21رنزتھاجب کہ واپس جاکرڈریسنگ روم میں فخر زمان اور ہیڈ کوچ نے فیصلے پر ناراضی کا اظہار کیا تھا۔
