دنیا کے قدیم ترین ممالک: تاریخ کے آئینے میں جھانکتی 8 تہذیبیں

دنیا کے قدیم ترین ممالک کی فہرست مرتب کرنا ایک پیچیدہ کام ہے، کیونکہ ماضی میں ملک یا ریاست کا موجودہ مفہوم رائج نہیں تھا، بلکہ قدیم زمانے میں مختلف تہذیبیں اور سلطنتیں آباد ہوا کرتی تھیں۔ تاہم تاریخی تسلسل اور قدیم ترین تسلیم شدہ ریکارڈ کی بنیاد پر کچھ ممالک کو دنیا کی سب سے پرانی ریاستوں میں شمار کیا جاتا ہے۔

ذیل میں وہ آٹھ ممالک پیش کیے جا رہے ہیں جنہیں دنیا کی قدیم ترین ریاستیں تصور کیا جاتا ہے:

1۔ ایران

ایران کی تاریخ تقریباً 3200 قبل مسیح سے جڑی ہوئی ہے، جب یہاں ہخامنشی سلطنت کا آغاز ہوا۔ فارسی تہذیب، زرتشتی مذہب اور ساسانی و صفوی سلطنتیں اس خطے کی پہچان بنیں۔

2۔ مصر

مصری تہذیب کی جڑیں تقریباً 3100 قبل مسیح میں فرعونوں کی سلطنت سے جا ملتی ہیں۔ دریائے نیل کے کنارے قائم اہرام مصر اور فرعونی تمدن دنیا کی قدیم ترین تہذیبوں میں شمار ہوتا ہے۔

3۔ چین

چین کی تاریخی بنیاد 2070 قبل مسیح میں زیاو خاندان کے دور سے شروع ہوتی ہے۔ زیاو، شانگ اور ژاؤ سلطنتیں، کنفیوشس کے اصول اور عظیم دیوارِ چین اس ملک کی تاریخی پہچان ہیں۔

4۔ یونان

یونان کا ابتدائی نظام تقریباً 800 قبل مسیح میں "پولیس” یعنی شہر ریاست کے طور پر ابھرا۔ ایتھنز اور اسپارٹا کی ریاستیں، فلسفہ، جمہوریت اور اولمپک کھیلوں کا آغاز اسی سرزمین سے ہوا۔

5۔ بھارت

بھارت کی تہذیب ویدک دور (تقریباً 1500 قبل مسیح) سے جڑی ہے۔ ہندو دھرم، بدھ مت، موریہ اور گپتا سلطنتیں یہاں کے تاریخی ورثے کا حصہ ہیں۔

6۔ جاپان

جاپان کی روایتی تاریخ کا آغاز 660 قبل مسیح میں شہنشاہ جِمو سے منسوب ہے۔ یہ دنیا کی قدیم ترین مسلسل بادشاہت ہے، جہاں شِنٹو مذہب اور سمورائی ثقافت کی جڑیں گہری ہیں۔

7۔ ایتھوپیا

افریقہ میں واقع ایتھوپیا کی تاریخ 980 قبل مسیح سے شروع ہوتی ہے۔ یہ اکسیوم سلطنت کا مرکز رہا اور عیسائیت کے قدیم ترین مراکز میں سے ایک ہے۔ دلچسپ بات یہ ہے کہ یہ ملک نوآبادیاتی تسلط سے تقریباً محفوظ رہا۔

8۔ سان مارینو

یورپ کا سب سے قدیم جمہوری ملک، سان مارینو 301 عیسوی میں قائم ہوا۔ یہ ریاست رومن سلطنت کے زوال کے بعد مسلسل آزادی کی علامت بنی رہی۔

یہ آٹھ ممالک نہ صرف اپنی قدامت میں منفرد مقام رکھتے ہیں بلکہ دنیا کی تہذیبی، مذہبی اور سیاسی تاریخ پر ان کے گہرے نقوش ثبت ہیں۔